Presidentja e Hungarisë i kërkon parlamentit të ratifikojë anëtarësimin e Suedisë dhe Finlandës në NATO

Presidentja hungareze Katalin Novák tha se shpresonte që ligjvënësit të ratifikonin anëtarësimin e Suedisë dhe Finlandës në NATO “sa më shpejt të jetë e mundur”, ndërsa ata filluan të debatonin mocionet në parlament.

“Disa mendojnë se kjo është një çështje teknike që zgjidhet lehtësisht. Kjo nuk është çështja. Është një vendim kompleks me pasoja të rënda, kështu që duhet të konsiderohet me kujdes”, tha Novák në një deklaratë në Facebook të mërkurën.

“Pozicioni im është i qartë: në situatën aktuale, anëtarësimi i Suedisë dhe Finlandës në NATO është i justifikuar. I besoj vendimit të mençur të parlamentit sa më shpejt të jetë e mundur!” shtoi ajo.

Kujtojmë se  Suedia dhe Finlanda aplikuan për anëtarësim në maj të vitit të kaluar dhe në qershor të gjithë aleatët e NATO-s ranë dakord të ftojnë të dy vendet të bashkohen në aleancë dhe të përcaktojnë protokollet e pranimit.

Deri më tani, 28 nga 30 aleatët e kanë ratifikuar pranimin e Finlandës dhe Suedisë në NATO. Vetëm Hungaria dhe Turqia nuk e kanë bërë këtë ende.

Ndërsa Hungaria po përgatitet të debatojë masën, Turqia ka shprehur disa shqetësime për pranimin e vendeve.

Presidenti Rexhep Tajip Erdogan ka akuzuar Finlandën dhe Suedinë se strehojnë anëtarë të Partisë së Punëtorëve të Kurdistanit, militante separatiste, e njohur gjithashtu si PKK.

PKK, e cila kërkon një shtet të pavarur në Turqi, ka qenë në një luftë të armatosur me atë vend për dekada dhe është cilësuar një organizatë terroriste nga Turqia, Shtetet e Bashkuara dhe Bashkimi Evropian./m.g

Fraksion.com