SPAK nxjerr statistikat: 70 të pandehur janë dërguar për gjykim
Prokuroria e Posaçme kundër Korrupsionit dhe Krimit të Organizuar (SPAK) ka publikuar statistikat e punës për muajin tetor.
Sipas njoftimin për mediet nga SPAK, gjatë këtij muaji janë paraqitur 9 kallëzime penale, nga të cilat për 5 kallëzime është vendosur mosfillim i hetimeve.
Nga 9 procedime penale, SPAK ka regjistruar 1 procedim për vepra penale që lidhen me krimin e organizuar dhe 8 procedime për korrupsion.
“Janë dërguar për gjykim 8 procedime penale me 70 persona të pandehur, nga të cilat, 2 procedime me 20 të pandehur për vepra penale që lidhen me krimin e organizuar dhe 6 procedime me 50 të pandehur për vepra penale që lidhen me korrupsionin. Pas kërkesave përfundimtare të prokurorëve të posaçëm janë dhënë nga Gjykata e Posaçme 2 vendime themeli, duke deklaruar fajtorë 4 të pandehur”, thuhet në njoftimin për mediet.
Gjithashtu, gjatë këtij muaji, SPAK ka sekuestruar me vendim gjykate 8 pasuri dhe konkretish, 2 subjekte tregtare, 3 automjete dhe 3 pasuri të paluajtshme, nga të cilat, një sipërfaqe toke prej 1809 m² dhe 2 objekte.
SPAK ka ekzekutuar 6 vendime penale të formës së prerë, nga të cilat 2 vendime të dhëna nga Gjykata e Posaçme e Shkallës së Parë për Krimin e Organizuar dhe Korrupsionin dhe 4 vendime nga të dhëna nga Gjykata e Posaçme e Apelit. Në zbatim të vendimeve të formës së prerë janë nxjerrë urdhra ekzekutimi për 19 persona të dënuar.
Gjatë këtij muaji janë nxjerrë urdhra ekzekutimi për konfiskimin në proces penal për 1 automjet; 14 copë aparate celularë të markave të ndryshme; 15.000 lek; 350 euro dhe 7.300 Usd.
SPAK ka vënë në ekzekutim 4 letërporosi të ardhura nga autoritetet e huaja gjyqësore dhe ka dërguar 2 letërporosi për ekzekutim autoriteteve të huaja.
Në kuadër të një skuadre të përbashkët hetimore është realizuar transferimi i procedimit penal shqiptar pranë një autoriteti të huaj ndërsah janë shpallur në kërkim ndërkombëtar 4 shtetas shqiptar.
Po ashtu, SPAK ka kthyer 75 përgjigje për shkresa të ardhura nga institucione publike të ndryshme lidhur me statusin e shtetasve dhe zyrtarëve publikë shqiptarë në raport me procedimet penale ndaj tyre.
Fraksion.com
