“Ka vullnet për kandidat të përbashkët”, Paloka zbardh takimin me Bardhin

Kreu i Këshillit Kombëtar të Partisë Demokratike, Edi Paloka që është caktuar dhe si negociatori nga krahu u Berishës për të folur me grupin tjetër të demokratëve, ka zbardhur detaje nga takimi me Gazment Bardhin.

Paloka u shpreh para mediave pas përfundimit të takimit që zgjati 1 orë, se takimi i sotëm nuk mund të cilësohej si i dështuar, pasi nga pala tjetër ishte shfaqur vullnet për të dalë me një kandidat të përbashkët.

“Nuk mund të quhet i dështuar takimi i sotëm. Ka vullnet për të dalë me një kandidat të përbashkët. Ju lutem, kaq për sot, kur të kemi diçka më shumë, do ua them”, tha ai.

Fraksion.com