‘Arrest në shtëpi’, por qarkullonte me pistoletë nëpër Tiranë; Prangoset 34 vjeçaririt ‘arrestit në shtëpi’! U kap duke qarkulluar me pistoletë

Një 34-vjeçar ka rënë në prangat e policisë së Tiranës pasi theu masën e sigurisë ‘arrest në shtëpi’  dhe u kap duke qarkulluar me armë zjarri pistoletë. I riu i identifikuar me inicialet I.K., u ndalua nga shërbimet e policisë në rrugën “Hoxha Tahsim”.

Gjatë kontrollit fizik, i gjetën dhe i sekuestruan, në cilësinë e provës materiale, një armë zjarri pistoletë, krehër dhe municion luftarak.

Pas verifikimeve të kryera, ka rezultuar se kishte shkelur masën e sigurisë “Arrest në shtëpi”, të caktuar nga Gjykata, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”.

Materialet i kaluan Prokurorisë, për veprime të mëtejshme procedurale.

Fraksion.com