COP26 – Elizabeth II: Liderët botërorë të punojnë së bashku kundër ndryshimeve klimatike

Mbretëresha e Britanisë së Madhe, Elizabeth II iu drejtua sot liderëve botërorë, të cilët marrin pjesë në konferencën për klimën, COP26, duke u kërkuar që të punojnë së bashku në kauzën e përbashkët për të trajtuar ndryshimet klimatike dhe për të zgjidhur problemet më të pakapërcyeshme.

“Në ditët në vijim, bota ka mundësinë të bashkohet me objektivin e përbashkët për të krijuar një të ardhme më të sigurt, më të qëndrueshme për njerëzit tanë dhe për planetin nga i cili ne varemi”.

“Askush prej nesh nuk i nënvlerëson sfidat përpara: por historia ka treguar se kur kombet bashkohen në kauzë të përbashkët, ka gjithmonë vend për shpresë. Duke punuar krah për krah, ne kemi aftësinë për të zgjidhur problemet më të pakapërcyeshme dhe për të triumfuar mbi fatkeqësitë më të mëdha”.

“Për çdo vendosmëri për t’u përballur me problemet mjedisore të planetit do të përfitojnë fëmijët e fëmijëve tanë”, tha monarkja.

Bashkëshorti i Mbretëreshës, Princi Philip ishte një ambientalist përpara se fjala të hynte në përdorim të përbashkët dhe ai mbrojti botën natyrore shumë kohë përpara se të ishte në modë.

Ai ishte president i ËËF (Ëorld Ëildlife Fund) nga viti 1981 deri në 1996 dhe ngiste një taksi miqësore me mjedisin nëpër rrugët e Londrës dekada përpara se automjetet e gjelbra të përdoreshin më gjerësisht.

Në mesazhin e saj, Elizabeth II tha se ishte e lumtur të mirëpriste delegatët pasi “ndikimi i mjedisit në përparimin njerëzor” ishte një temë për zemrën e Filipit.

Fraksion.com