Stoltenberg: NATO e përkushtuar për dialogun politik dhe bashkëpunimin me Bosnjën dhe Hercegovinën

Sekretari i Përgjithshëm i NATO-s takohet me Ministrat e Jashtëm dhe të Mbrojtjes të Bosnje-Hercegovinës

Sekretari i Përgjithshëm i NATO-s, Jens Stoltenberg përshëndeti Ministrin e Punëve të Jashtme Bisera Turković dhe Ministrin e Mbrojtjes Sifet Podžić në Selinë e NATO-s më 10 Mars 2020 për të diskutuar bashkëpunimin midis NATO-s dhe Bosnje-Hercegovinës.

Sekretari i Përgjithshëm i NATO-s tha se Aleanca pret që të vazhdojë të mbështesë Bosnjë dhe Hercegovinën në përpjekjet e saj për reforma, në bazë të Programit të Reformës të paraqitur në NATO në Dhjetor 2019.

Sekretari i Përgjithshëm theksoi se NATO mbetet e përkushtuar për dialogun politik dhe bashkëpunimin me Bosnjën dhe Hercegovinën. Ai tha se Aleanca do të vazhdojë të mbështesë zbatimin e Programit të Reformës, në të mirë të të gjithë qytetarëve në vend.

Z. Stoltenberg gjithashtu falënderoi ministrin Turković dhe ministrin Podžić për kontributin në Misionin e Mbështetjes të Vendosor të Aleancës në Afganistan, i cili demonstron se vendi është një kontribues në sigurinë ndërkombëtare. Ai kujtoi se ai kishte takuar trupa nga Bosnja dhe Hercegovina në Afganistan dhe e lavdëroi profesionalizmin e tyre.

Z. Stoltenberg theksoi se NATO do të vazhdojë të këshillohet ngushtë me Bosnjë-Hercegovinën dhe partnerët e tjerë operacionalë të Aleancës për Misionin e Mbështetjes  të Vendosur.

Fraksion.com