Grupimi i Qendrës së Djathtë mbërrin në Presidencë
Kanë mbërritur në Presidencë anëtarët e Grupimit të Qendrës së Djathtë. Kryetarët e PR, LZHK, PDK, PBDNJ dhe PAA kanë nisur takimin me presidentin Ilir Meta mbi krizën politike. Aleatët e PD-së kanë qenë të parët që kanë kërkuar shtyrjen e zgjedhjeve lokale, edhe përpara se presidenti të nxirrte dekretin për shfuqizimin e 30 qershorit.
Më herët gjatë ditës, Meta është takuar me kreun e PD-së, Lulzim Basha dhe nënkryetarin e LSI, Petrit Vasili. Me drejtuesit e opozitës, presidenti ka biseduar mbi krizën politike në Shqipëri.
Ftesa për bisedë iu dërgua nga presidenti dhe edhe kryeministrit Edi Rama, por ky i fundit e konsideroi një “lojë me letra”, duke theksuar se zgjedhjet lokale do të zhvillohen më 30 qershor.
Fraksion.com
