Qëllohet dhe plagoset gazetarja investigative në Mal të Zi
Olivera Lakiç u plagos jashtë shtëpisë së saj, që shënon sulmin e dytë ndaj një gazetari brenda një muaji.
Gazetarja e investigimit që mbulon krimin dhe korrupsionin në Malin e Z u qëllua dhe u plagos në një sulm që nxiti apelin e Bashkimit Evropian dhe SHBA për të mbrojtur gazetarët në vendin ballkanik.
Olivera Lakić, është gazetare e gazetës malazeze Vijesti, dhe u plagos në këmbën e djathtë jashtë shtëpisë së saj në kryeqytetin e Podgoricës. Ajo u dërgua në një spital dhe u raportua se është jashtë rrezikut.
Policia tha se sulmi ndodhi rreth orës 21:00. Kërkimi për sulmuesit vazhdon, duke përfshirë kontrollet në të gjithë qytetin dhe një kqyerje e kamerave të vëzhgimit të zonës, tha policia.
Kryeredaktori i Vijesti, Mihailo Jovoviq, tha se Lakiç i tregoi se një njeri iu afrua dhe e qëlloi, ndërsa dy burra të tjerë ikën.
Ajo u sulmua edhe gjashtë vjet më parë, pasi ajo shkroi një seri artikujsh lidhur me marrëdhëniet e dyshimta e të herta mbi një fabrikë duhani. Lakić kishte mbrojtje policore për një kohë.
“Unë jam pa fjalë,” tha Jovoviç në komentet e publikuara në faqen e internetit të Vijesti. ” Shumë histori që ajo shkroi nuk janë hetuar nga autoritetet. Sa më kohë duhet të jetojmë në frikën e këtyre frikacakëve? ”
Kryeministri Dushko Markoviç e dënoi sulmin dhe kërkoi një “hetim të shpejtë dhe efikas” për të zbuluar motivin dhe kush mund ta kishte urdhëruar.
Sulmi, i dyti kundër një gazetari në një muaj, nxiti shqetësim ndërkombëtar. Muajin e kaluar një bombë shpërtheu pranë shtëpisë së një gazetari të shquar në qytetin verior të Bijelo Polje.
Ambasada e Shteteve të Bashkuara në Podgoricë ka shkruar në Twitter se “po e përcjellë me shqetësim sulmin ndaj gazetares Olivera Lakiç”. ku thuhet se gazetarët “janë roje të demokracisë dhe duhet të mbrohen në mënyrë që ata të mund të bëjnë punën e tyre në siguri”.
Aivo Orav, kreu i delegacionit të BE në Malin e Zi, e quajti sulmin “shumë shqetësues”. Në twitter, Orav tha se “gazetarët duhet të mbrohen.”
Mali i Zi është një republikë ish-Jugosllave që u bashkua me NATO-n vitin e kaluar dhe tani po kërkon gjithashtu anëtarësimin në BE. Partia Demokratike e Socialistëve gjatë qeverisjes është përballur me akuza për krime dhe korrupsion të përhapur.
BE, që Mali i Zi shpreson të bashkohet në 2025, së bashku me organizatat ndërkombëtare të të drejtave të njeriut dhe medias kanë insistuar që autoritetet të zgjidhin një varg sulmesh kundër gazetarëve dhe organizatave të medias.
Shumë prej dhjetëra apo më shumë sulmeve në 15 vitet e fundit, përfshirë vrasjen e vitit 2004, të redaktorit Dushko Jovanoviq, mbeten ende të pazgjidhura./The Guardian/Fraksion.com
