Në “arrest shtëpie” si pjesë e dosjes së Agasit dhe Beqirit, ish-zv.drejtoresha e AKSHIT kërkon zëvendësim të masës së sigurisë

Ish-zëvendësdrejtoresha e AKSHIT, Hava Delibashi kërkon zëvendësimin e masës së sigurisë në GJKKO. Lajmi konfirmohet për BalkanWeb nga gazetarja Klodiana Lala. Delibashi aktualisht është në masën e ‘arrestit në shtëpi’.

Hetimi lidhet me operacionin e SPAK, i cili goditi një grup të dyshuar kriminal brenda Agjencisë Kombëtare të Shoqërisë së Informacionit (AKSHI).

Masa e arrestit në shtëpi ndaj Mirlinda Karçanaj (bashkë me Hava Delibashin) u caktua nga Gjykata e Posaçme kundër Korrupsionit dhe Krimit të Organizuar më 18 dhjetor 2025, pasi SPAK kishte kërkuar masat e sigurisë disa ditë më herët për skandalin e abuzimeve me tenderat në AKSHI.