Lider Suprem i Iranit, Mojtaba Khamenei bën deklaratën e parë publike: Sulmet do vijojnë! Ngushtica e Hormuzit

12 Mars, 2026 admin

Ajatollah Mojtaba Khamenei, djali i Ali Khameneit, i emëruar së fundmi në Iran, është zotuar të vazhdojë të bllokojë eksportet e naftës përmes Ngushticës së Hormuzit.

Në një deklaratë me shkrim të lexuar në televizionin shtetëror, Mojtaba Khamenei ka paralajmëruar gjithashtu për vazhdimin e sulmeve iraniane ndaj shteteve fqinje të Gjirit, për sa kohë që bazat amerikane që ato strehojnë mbeten të hapura dhe shërbejnë si pika nisjeje për sulme kundër vendit të tij.

Në deklaratë, ai përsëriti se sulmet ndaj vendeve të Gjirit, përfshirë Katarin, Emiratet e Bashkuara Arabe, Arabinë Saudite, Bahreinin dhe Kuvajtin, nuk janë ofenduese në natyrë, pasi nënvizoi “miqësinë” e vendit të tij me fqinjët e saj, por i justifikoi ato si akte thelbësore të “vetëmbrojtjes”.

Khamenei i ri është zotuar gjithashtu të hakmerret për vdekjen e “martirëve” iranianë dhe premtoi sulme të mëtejshme kundër “armiqve” amerikanë dhe izraelitë.

Khamenei ende nuk është shfaqur publikisht që nga emërimi i tij, me informacione nga Irani që thonë se ai mund të jetë plagosur rëndë në sulmet SHBA-Izrael ndaj Teheranit që rezultuan në vdekjen e babait të tij të shtunën e kaluar.

Fraksion.com

Mund të pëlqeni gjithashtu...