“S’ka mohim të së drejtës së fjalës”, BE e shqetësuar për hetimet ndaj Ballukut, Balla: Të gjitha afatet do të respektohen

Kreu i Grupit Parlamentar të Partisë Socialiste  në një dalje për mediat nga jashtë Kuvendi  është pyetur në lidhje me hetimet ndaj ish-zv/kryeministres Belinda Balluku.

Balla u shpreh se çështja është në përputhje të plotë me afatet ligjore, ndërsa shtoi se rasti do të shqyrtohet në seancën e radhës në Parlament.

I pyetur nga gazetarët në lidhje me qëndrimin e Bashkimit Evropian, i cili kërkon hetime të plota në lidhje me Ballukun, Balla theksoi se të gjitha afatet do të respektohen.

Balla sqaroi gjithashtu edhe  nismën e maxhorancës për ndryshimet në rregulloren e Kuvendit. Ai tha se përgjysmimi i fjalës së deputetëve, në 5 minuta është më se normale.

Ai shtoi se nuk bëhet fjalë për mohim të se drejtës së fjalës.

“S’ka mohim të së drejtës së fjalës, 5 minuta janë mjaftueshëm!”, tha ai. Mes të tjerash ai tha se opozita duhet t’i përgjigjet ftesës së Peleshit për të bashkëpunuar dhe më pas miratuar këto ndryshime.

Fraksion.com