Trump: Do të përdorim forcë të paparë më parë nëse Irani sulmon SHBA-në ose Izraelin

Presidenti i SHBA-së Donald Trump sapo e ka paralajmëruar Iranin të mos kundërpërgjigjet ndaj SHBA-së dhe Izraelit.

Duke shkruar në platformën e tij Truth Social, ai tha: “Irani sapo deklaroi se do të godasë shumë fort sot, më fort se kurrë më parë. MË MIRE TË MOS E BËJNË KËTË, MEGJITHATË, SEPSE NËSE E BËJNË, NE DO T’I GODASIM ME NJË FORCË QË NUK ËSHTË PARË KURRË MË PARË!”

Deklarata e tij vjen pasi Trupat e Gardës Revolucionare Islamike paralajmëruan se do të sulmonin bazat amerikane dhe Izraelin në hakmarrje për vdekjen e Khameneit.

“Operacioni më shkatërrues ofensiv në historinë e forcave të armatosura të Republikës Islamike të Iranit do të fillojë drejt territoreve të pushtuara dhe bazave terroriste amerikane brenda pak çastesh”, tha ajo disa orë më parë.

Fraksion.com