Peleshi i heq fjalën Berishës, tensione në Kuvend. Deputetët e opozitës zbarkojnë në foltore

Tensione në Kuvend pas fjalës së Sali Berishës.

Sapo ky i fundit nisi të fliste për skandalin Balluku dhe teksa përdori fjalën ‘po mbroni vithet e Belindës’, Peleshi ia hoqi fjalën. Kaq mjaftoi që opozita të ‘zbarkonte’ në foltoren e Kuvendit.

“Sa të jem unë kryetar Kuvendi, nuk mund të lejoj gjuhë të tillë.”, kështu u shpreh Peleshi, ndërsa më pas ia dha fjalën kreut të grupit parlamentar të PS-së, Taulant Balla.

Debati nisi nga deputeti Luçiano Boçi i cili akuzoi mazhorancën se po mbron Belinda Ballukun. Ndërsa mori fjalën Berisha, e vijoi argumentin por Peleshi i mbylli mikrofonin.

Deputetët e PD u mblodhën rreth foltores me kërkesën që Berisha të vijonte fjalën.

Peleshi bëri thirrje që deputetët të vijojnë seancën normalisht por bllokimi i foltores ka vijuar edhe ndërsa fliste kreu i grupit parlamentar të Partisë Socialiste.

Fraksion.com