“Ndoshta mendoni se kemi bërë marrëveshje, por…”, Pas kërkesës së opozitës, Balla propozon shtyrjen e votimit të 4 pr.ligjeve: Të lehtësojmë kalendarin

Ai sqaroi se shtyrja do të përfshijë projektligjin për disa shtesa në kontrollin e lëndëve që përdoren për fabrikimin e lëndëve narkotike, projektligjin për mbrojtjen nga diskriminimi, si dhe dy projektligje të tjera. Sipas Ballës, shtyrja do të ndihmojë në një shqyrtim më të plotë të akteve ligjore dhe në lehtësimin e rendit të ditës së seancës parlamentare. “Ndoshta do të mendoni se kemi bërë marrëveshje, por bazuar te rregullorja, do të kërkoja shtyrjen për 1 javë të 4 pr.ligjeve. Shtyrjen e parë e kërkoj për propozimin e kolegut, pasi janë pr.ligje që duhen rakorduar me KE. Ndaj i propozoj seancës që pr.ligji për disa shtesa për kontrollin e lëndëve që përdoren për fabrikimin e lëndëve narkotike, për pr.ligjin për mbrojtjen nga diskriminimi dhe 2 pr.ligjet e tjera të shtyhen dhe e lehtësojmë kalendarin e ditës së sotme. “, tha Balla.