Investimi në Mbrojtje, Vengu: 50% e buxhetit për armë amerikane, angleze dhe izraelite

26 Janar, 2026 admin

Ministri i mbrojtjes Pirro Vengu deklaroi se 50% e zërave të buxhetit janë investime ku përfshihen edhe blerja armeve moderne për ushtrinë shqiptare si raketat Javelin dhe Dron prej partnerëve britanik dhe amerikanë.

Ndërsa nga Izraeli do të blihen altileri e lëvizshme, topa, mortaja, kamionë ushtarakë dhe dronë, sikurse kompania ushtarake shqiptare KAYO po bashkëpunon me partnerë izraelitë, në rimëkëmbjen e prodhimit të armatimeve në vendin tonë.

Në një kohë kur janë shfaqur tensione mes SHBA, Bashkimit Europian dhe Natos, ministri Vengu dha këtë përgjigje se ku qëndron Shqipëria.

“Nuk jemi në mes të Washingtonit dhe Brukselit jemi brenda Washingtonit dhe brenda Brukselit”, u shpreh Vengu.

Ministri Vengu u ndal edhe në shqetësimin e Beogradit për marrëveshjen trepalëshe të bashkëpunimit mes Shqipërisë, Kosovës dhe Kroacisë në fushën e mbrojtjes.

“Serbia të na bashkohet, siç e mendoni kemi marrë përgjigje refuzuese. Kemi avancuar me marrëveshje 3 paleshe”, tha ai.

Për bazën e Pashalimanit ministri Vengu tha se kemi një marrëveshje që në vitin 1992 me Turqinë, i qëndrojmë kësaj marrëveshjeje.

Fraksion.com

Mund të pëlqeni gjithashtu...