Trump hap ceremoninë: Bordi i Paqes ka filluar dhe funksionon bukur
Presidenti i SHBA-së Donald Trump hapi ceremoninë kushtuar iniciativës së tij ndërkombëtar “Bordit të Paqes”, me një digresion të fokusuar në politikën e brendshme, duke u mburrur për rritjen ekonomike të SHBA-së ndërsa më shumë se një duzinë udhëheqësish botërorë shikonin.
Presidenti Donald Trump njoftoi se “Bordi i Paqes” ka filluar punën tashmë dhe “po funksionon bukur”.
“Ne kemi një grup të shkëlqyer njerëzish dhe të rinj të jashtëzakonshëm që po e udhëheqin atë nga brenda”, tha ai gjatë njoftimit të bordit në Davos.
Anëtarët e zbuluar nuk përfshijnë asnjë nga aleatët evropianë të Shteteve të Bashkuara, por Trump tha për grupin e mbledhur, “Më pëlqen, në fakt, ky grup. Më pëlqen secili prej tyre. A mund ta besoni?” dhe shtoi “Zakonisht kam dy ose tre që nuk më pëlqejnë. Nuk i gjej këtu lart”.
“Ne kemi një mandat të shkëlqyer në shtëpi, siç thashë dje, ekonomia amerikane po lulëzon,” tha ai. “Kur Amerika lulëzon, e gjithë bota lulëzon.”
Trump vazhdoi me një notë të ngjashme optimiste në çështjet e jashtme, duke pretenduar se bota tani është “më paqësore” sesa ishte para administratës së tij dhe duke këmbëngulur se “Bordi i Paqes” i tij së shpejti do të ndihmonte në negocimin e një paqeje të qëndrueshme në Gaza.
“Kemi zjarre të vogla që do t’i shuajmë, por ato janë të vogla”, tha ai, duke pohuar se lufta e Izraelit në Gaza “po i vjen vërtet fundi”.
Megjithatë, pavarësisht kësaj, Trump iu referua Hamasit si të përbërë nga ata që “kanë lindur me pushkë në duar”, duke kërcënuar përsëri me agresion nëse refuzon një marrëveshje paqeje.
“Ata duhet të heqin dorë nga armët e tyre, dhe nëse nuk e bëjnë këtë, do të jetë fundi i tyre”, tha ai.
Fraksion.com
