“Palloshi i saj…”, Berishës i ndërpritet fjala në Parlament: Nxirre jashtë Belindën!
Ka rinisur në Kuvend seanca ku shqyrtohet projektligji për pjesëmarrjen e Shqipërisë në Bordin e Paqes, pas ftesës së bërë nga presidenti Donald Trump.
Në fjalën e tij, Fatmir Mediu ka kërkuar një analizë të efekteve që pjesëmarrja do të ketë në interesat e vendit, ndërsa u shpreh plotësisht i bindur që Shqipëria duhet të jetë pjesë e Bordit.
Kreu i PD Sali Berisha nisi fjalën e tij në seancën e sotme në Parlament duke vlerësuar anëtarësimin e Shqipërisë në Bordin e Paqes, por më pas ai iu drejtua kryeministrit Rama, duke e cilësuar si “palloshi i Belindës’.
Në këtë moment kryeparlamentari Peleshi e ka paralajmëruar Berishën për të liruar foltoren ose do të merren masa ndaj tij.
“Të dashur qytetarë dhe qytetare! Kjo seancë sot, në vend se të dëshmojë atë që duhet të dëshmojë, qëndrimin tonë luajal në çështjet e sigurisë ndaj SHBA, vlerësimin tonë maksimal për njërën nga paqet më të vështira në historinë e paqes, siç ishte ta quajmë armëpushimi, ndërprerja e luftimeve në Gaza, figurat butaforike, Palloshi i Belindës, i jep kësaj seance nuanca… të lutem, nxirre jashtë Belindën se ajo i ka thënë Pallosh, nuk i kam thënë unë Pallosh. Pyetja ime është çfarë do të thuash kur Belinda ta marrë Palloshin me vete?”, tha ai.
Fraksion.com
