Begaj autorizon Ramën për pjesëmarrjen në Bordin e Paqes
Presidenti Bajram Begaj autorizon kryeministrin Edi Rama për pjesëmarrjen në Bordin e Paqes, një nismë kjo e krijuar nga presidenti i SHBA, Donald Trump për zgjidhjen paqësore të konflikteve në botë dhe garantimin e sigurisë globale.
Dokumenti është firmosur një ditë më parë nga kreu i shtetit.
Në mbështetje të nenit 92, shkronja “e”, të Kushtetutës së Republikës së Shqipërisë, nenit 5, pika 2, si dhe nenit 6, pika 1 dhe 3, të ligjit nr. 43/2016, “Për marrëveshjet ndërkombëtare në Republikën e Shqipërisë”, të ndryshuar, autorizoj Sh.T.Z. Edi Rama, Kryeministër i Republikës së Shqipërisë, për nënshkrimin e “Marrëveshjes së pranimit të Republikës së Shqipërisë në Kartën e Bordit të Paqes”, miratuar në parim me vendimin nr. 45, datë 21.1.2026, të Këshillit të Ministrave.
Fraksion.com
