Ed Milband: Tarifat hakmarrëse nuk janë rruga racionale përpara

Sekretari i energjisë i Mbretërisë së Bashkuar, Ed Miliband, thotë se kryeministri “nuk mund të jetë më i qartë” në lidhje me mospajtimin me kërcënimin e Trump për tarifa ndaj vendeve evropiane, përveç nëse ato mbështesin planin e tij për të zotëruar Groenlandën.

Lidhur me faktin nëse Mbretëria e Bashkuar duhet të hakmerret apo jo me tarifat e veta ndaj SHBA-së, Miliband i thotë Today të BBC Radio 4, se “Nuk mendoj se kjo është rruga e qetë dhe racionale përpara.”

“Rruga e duhur përpara,” propozon Milband, është të “bëjmë gjithçka që mundemi” për të shmangur tarifat e Trump dhe një luftë tregtare që do të pasojë.

Bisedimet rreth sigurisë së Arktikut janë gjithashtu të rëndësishme, shton sekretari i energjisë.

Kujtojmë se Presidenti i SHBA-së, Donald Trump, ka kërcënuar të vendosë tarifa të reja për tetë aleatë që kundërshtojnë kërkesat e tij për kontrollin e Groenlandës.

Ai planifikon të godasë Mbretërinë e Bashkuar, Danimarkën, Norvegjinë, Suedinë, Francën, Gjermaninë, Holandën dhe Finlandën me tarifa prej 10% për “çdo dhe të gjitha mallrat” nëse ato kundërshtojnë marrjen e propozuar të Groenlandës nga ana e tij.

Trump tha se tarifat do të hyjnë në fuqi deri më 1 shkurt dhe do të rriten në 25% deri më 1 qershor.

Tarifat janë taksa mbi mallrat e importuara. Zakonisht, tarifa është një përqindje e vlerës së një malli.

Për shembull, një tarifë prej 10% për një produkt prej 10 dollarësh do të thoshte një taksë prej 1 dollari shtesë – duke e çuar koston totale në 11 dollarë (8.17 £).

Taksa i paguhet qeverisë nga kompanitë që sjellin produkte të huaja.

Këto firma mund t’ua kalojnë një pjesë ose të gjithë koston shtesë klientëve të tyre, që në këtë rast do të thotë amerikanë të zakonshëm dhe biznese të tjera amerikane. Ata gjithashtu mund të vendosin të importojnë më pak mallra.

Fraksion.com