“Një qytet dhe 80 fshatra”, Përmbytjet: Debat e tensione në mbledhjen e Këshillit Bashkiak në Maliq, fermerët kërkojnë dëmshpërblim
Tokat bujqësore në Maliq u përmbytën disa herë në pak muaj.
Sipas tyre, numri i fermerëve të prekur është i madh dhe dëmet janë shumë të konsiderueshme në prodhimet bujqësore, të cilat u janë shkatërruar.
Julian Guri, një prej fermerëve potencialë në territorin e Bashkisë Maliq, u bën thirrje fermerëve për rezistencë
“Asnjë nuk duhet të lëvizë që këtu, ne duam përgjigje konkrete, le të vijë kush të dojë, çfarë do të bëhet? Ku janë dëmshpërblimet?” – thotë fermeri.
Në përfundim të mbledhjes pritet të shihet se çfarë do të vendoset për këtë çështje.
“Me polici hajde na nxirrni se ne nuk ikim që këtu. Asnjë s’do lëvizë nga këtu, lajmëroni kë të doni, duam përgjigje konkrete. Kam 1 muaj e gjysmë që kur ju kam lajmëruar, keni matur edhe tokat, po dëmshpërblimet ku janë? Do të na jepen apo jo që të dimë të vazhdojmë me protesta se rrugë tjetër s’ka”, tha njëri prej fermerëve, Julian Guri.
Bashkia Maliq është një nga bashkitë më të mëdha në vend. Bashkia e Maliqit ka preferuar gjithmonë kandidatë të së majtës në zgjedhjet lokale.
Kryetari i saj Gëzim Topçiu drejtuar bashkinë e Maliqit që nga viti 2000, duke e bërë atë kryebashkiakun më jetëgjatë në vend.
Në fund të mandatit të tij ai do të ketë kaluar më shumë se gjysmën e jetës në postin e kryetarit.
Kjo bashki përbëhet nga 7 njësi administrative, të cilat janë: Maliq, Libonik, Gorë, Moglicë, Vreshtas, Pirg dhe Pojan. Të gjitha njësitë administrative janë aktualisht pjesë e rrethit të Korçës dhe qarkut Korçë. Bashkia e re ka nën administrimin e saj një qytet dhe 80 fshatra. Për të parë listën e plotë të qyteteve dhe fshatrave të kësaj bashkie.
Qyteti i Maliqit nisi të ndërtohej pas tharjes me punë të të burgosurve të kënetës së Maliqit, e cila filloi të përdorej për kultivim me panxhar sheqeri. Qyteti u ndërtua në funksion të një fabrike të sheqerit dhe të alkoolit të nxjerrë nga melasa si dhe industritë shoqëruese, niseshtesë së misrit dhe majasë së bukës. Një termocentral i vogël u ndërtua në këtë kuadër.
Fraksion.com
