Pas paralajmërimit nga Trump, Rodriguez do të betohet si udhëheqësja e re e Venezuelës

Delcy Rodríguez do të betohet më vonë si presidente e Venezuelës, disa orë pasi Donald Trump e paralajmëroi se mund të paguajë një “çmim shumë të madh” nëse “nuk bën atë që është e drejtë”.

Në komentet për Atlantic të dielën, presidenti i SHBA-së tha: “Nëse ajo nuk bën atë që është e drejtë, ajo do të paguajë një çmim shumë të madh, ndoshta më të madh se Maduro”.

Ai shtoi se për Venezuelën: “Ndryshimi i regjimit, sido që të doni ta quani, është më i mirë se ai që keni tani. Nuk mund të bëhet më keq”.

Trump është zotuar se SHBA-të do të drejtojnë vendin derisa të jetë i mundur “një tranzicion i sigurt, i duhur dhe i mençur”. Ai gjithashtu premtoi se kompanitë amerikane të naftës do të hyjnë në vend për të rregulluar infrastrukturën “dhe të fillojnë të fitojnë para për vendin”.

Kujtojmë se Gjykata Supreme e Venezuelës zyrtarisht e emëroi Rodríguez si presidente të përkohshme gjatë fundjavës, por sot ajo do të paraqitet para Asamblesë Kombëtare ku do të betohet zyrtarisht.

Fraksion.com