“Ky diskutim, përfaqëson mënyrën se si jemi të ndërtuar”, Klosi në Kuvend: Japim pushtetin për të ndërtuar shtetin

Blendi Klosi i është përgjigjur deputetëve të PD në lidhje me zgjedhjen e Avokatin e Popullit.

Ai u shpreh se ky proces tregon se si ndahen dy forcat politike dhe filozofitë me të cilat funksionojnë të dyja.

“Diskutimi për avokatin e popullit, në fakt përfaqëson mënyrën se si jemi të ndërtuar, si funksionojmë dhe si ndahemi. Janë dy mënyra se si ne funksionojmë. Një nga diskutimet më absurde që ka bërë ky parlament. Dy filozofi, avokati i popullit është i ndërtuar mbi një ligj që ne maxhoranca socialiste e ka votuar në ’99.

Sipas filozofisë sonë të shprehur qartë nga lideri themelues Fatos Nano ne dorëzojmë pushtet për të bërë shtet. Një pjesë e asaj që quhet pushtet të jepet për të ndërtuar shtet. Kjo është fiolozofia jonë mbi të cilën funksionojmë. Nga momenti mbështetjes kjo histori merr fund. Ne kemi marrë vendim politik për mos të mbështetur me votë”, tha Blendi Klosi.

Fraksion.com