“Të gjejmë një ujdi së bashku”, Berisha takim me aleatët e Federatës së opozitës, Bylykbashi: Hapim ‘siparin’ për një diskutim më të plotë

Kreu i PD Sali Berisha po zhvillon këtë të premte një takim me aleatët e Federatës së opozitës.

“Partia Socialiste është parti shtet. Dhe kemi parë që zjgedhjet nuk kanë qenë të lira dhe po ashtu edhe reforma territoriale ka problemet e saj. Ndaj duhet një diskutim i hapur”, tha Bylykbashi

“Ky takim ka qëllim kryesor të gjejmë një ujdi së bashku si një front i gjerë për reformën zgjedhore dhe reformën territoriale. Në fakt, reforma themelore të një sistemi, duhet pranuar. Sot, Shqipëria është një njollë e zezë në hartën e Europës. Është zyrtarisht, pas raportit të fundit të OSBE/ODIHR, autokraci elektorale apo diktaturë autoritare. Do të thotë regjim që e pranon pluralizmin, por e shtyp pluralizmin. Ky është i gjithë thelbi i saj. Nuk është totalitare sepse e pranon pluralizmin”, tha Berisha.

Por, asnjë prej aleatëve kryesorë nuk i është bashkuar takimit. Fatmir Mediu ndodhet jashtë Shqipërie dhe ka dërguar në takim këshilltarin bashkiak, ndërsa Tedi Blushi ka dërguar deputeten Burnilda Hoxha, ndërsa mungon edhe Agron Duka.

Fraksion.com