“Del me kokën lart dhe krekoset, hajdutja!”, Shehaj pas përjashtimit nga Kuvendi: Balluku të shkojë para drejtësisë, të japë dorëheqjen!
Kreu i Mundësia, Agron Shehaj foli për mediat pas përjashtimit të tij nga Kuvendi, pasi u përplas me Belinda Ballukun në Kuvend.
“Nuk duhet të lejojmë që kjo gjë të ndodhë. Duhet të reagojmë që një e pandehur të dalë dhe t’u bëjë moral qytetarëve shqiptarë. Nuk duhet ta pranojmë këtë standard për zv.kryeministren. Sepse kur nesër të merret Edi Rama i pandehur, do të bëjë të njëjtën gjë.
Çfarë na garanton ne që Balluku dhe Rama – sidomos ajo, pas përgjimeve që lexuam – çfarë na garanton që nuk dhe të bëjnë të njëjtën gjë edhe me këtë buxhet? Korrupsioni u merr qytetarëve shqiptarë. Në vend që paratë të shkojnë te Onkologjiku, sepse qytetarët nuk kanë ilaçe, këtë duhet të kuptojnë.
SPAK-u bën detyrën e vet dhe nxjerr para drejtësisë dy zv.kryeministra, dhe ata dalin aty me kokën lart, jo si hajdutë, por me arrogancë dhe bëjnë moral. Duhet të dalin para drejtësisë; ajo duhet të japë dorëheqjen.
Kjo është arsyeja pse protestova në parlament. Sepse i ndërpreva fjalën të pandehurës Balluku.”, tha ai.
“Arsyet nuk i di. Ata shpërqendrohen nga thelbi. Thelbi është që opozita duhet të jetë në krah të SPK. Këta merrem me gjithçka, nga barazia gjinore, te…Nuk po them që s’do të merremi, por sot duhet të merremi me Belinda Ballukun, se u kap duke vjedhur. Të hënën protestuan, dje u ulën me Edi Ramën në një tryezë për reformën zgjedhore. Reforma zgjedhore nuk është gjë tjetër veçse një mënyrë për të futur duart mbi kushtetutën dhe për të kapur drejtësinë. Ndaj e ka me ngut Rama. Pasi me atë reformë fitoi zgjedhjet para 6 muajsh. Kanë një strategji që nuk shkon në interesin e qytetarëve shqiptarë, kundër korrupsionit dhe ndaj Ballukut. Ne nuk jemi me drejtësinë kur nuk na intereson.”, tha Shehaj.
Fraksion.com
