Unioni kërkon bileta më të lira për pasagjerët me avionë

Nëse taksat dhe tarifat për linjat ajrore ulen, edhe pasagjerët duhet të përfitojnë. “Më së miri do të ishte sikur çmimet e udhëtimeve të ulen edhe para uljes së taksave më 1 korrik 2026”, tha ai. “Atëherë pushimet e verës së ardhshme do të ishin tashmë më të lira”.

Stracke: Lufthansa duhet të rishikojë orarin e fluturimeve

Ulja e çmimeve jo vetëm që do t’u dërgonte një sinjal pozitiv familjeve për pushimet verore, por do të nxiste udhëtimet ajrore, vazhdoi Stracke. Ai pret që Lufthansa në veçanti të rishikojë orarin e fluturimeve dhe të rivendosë itineraret e anuluara.

 

Industria e aviacionit është ankuar prej kohësh për barrën e rëndë të taksave dhe tarifave. Prandaj, udhëheqësit e koalicionit qeverisës të CDU/CSU dhe SPDranë dakord këtë javë të ofrojnë lehtësim.

Taksa e trafikut ajror do të ulet në nivelin para rritjes në maj 2024 që nga 1 korriku 2026, gjë që duhet të ofrojë lehtësim prej rreth 350 milionë eurosh. Për më tepër, nuk do të ketë rritje të mëtejshme të tarifave të kontrollit të trafikut ajror në vitin 2026.

Tarifat pritet të ulen me më shumë se dhjetë përqind në përgjithësi deri në vitin 2029, dhe kostot për kontrollet e sigurisë në aeroporte do të ulen përmes proceseve të përmirësuara dhe më efikase.

Fillimisht, linjat ajrore u përmbajtën nga komentimi mbi çmimet e biletave pas uljes së njoftuar të taksave. “Nëse kjo do të reflektohet në çmimet e biletave, do të varet edhe nga mënyra se si do të zhvillohen kostot e tjera të vendndodhjes deri atëherë”, shpjegoi Drejtori i Shoqatës Gjermane të Linjave Ajrore (BDF), Michael Engel.

Kritikat nga opozita dhe ambientalistët

Një zëdhënës i Shoqatës Gjermane të Aviacionit (BDL) deklaroi, kur u pyet nëse ulja do të reflektohej në çmimet e biletave: “Masat e lehtësimit të dakordësuara janë të nevojshme për të siguruar shërbime në aeroportet gjermane. Klientët do të përfitojnë nga kjo.”

 

Disa linja ajrore që operojnë në Gjermani po “rishikojnë funksionimin e vazhdueshëm të punës për shkak të mungesës së profitit”.

Kritikat për uljen e taksave erdhën, ndër të tjera, nga partitë opozitare – nga ekologjistët dhe e majta, si dhe ambientalistët. Aktivistja e klimës Luisa Neubauer foli në radion Deutschlandfunk për “lehtësimin e taksave të karburantit fosil” për linjat ajrore. Ulja e taksës tregon se “mbrojtja e klimës në sektorin e transportit nuk është një prioritet për koalicionin”, shpjegoi Jens Hilgenberg, ekspert i politikave të transportit në Federatën Gjermane për Mjedisin dhe Ruajtjen e Natyrës (BUND)./DW