Kaos dhe frikë në Meksikë, ekzekutohet kryebashkiaku. Momentet e tmerrit gjatë festës tradicionale

Kryebashkiaku qytetit të Uruapanit në Meksikë u qëllua për vdekje ditën e sotme përgjatë një festivali, ku përkujtohen të vdekurit.

Kryebashkiaku Carlos Manso, u vra në sheshin e qytetit menjëherë pas hapjes së këtij festivali. Sulmi ndodhi teksa në qendër të qytetit ishte mbledhur një turmë e madhe njerëzish të cilët po ndiznin qirinj.

Hetuesit nuk përjashtojnë mundësinë që vrasja të ketë lidhje me luftën e tij kundër karteleve të drogës.

Sulmet ndaj politikanëve, zyrtarëve lokalë apo kandidatëve në Meksikë janë kthyer vitet e fundit në një dukuri të zakonshme. Zyrtarët bëhen lehtësisht target pasi refuzojnë të bashkëpunojnë me grupet kriminale ose mbështesin reformat kundër korrupsionit dhe trafikut të drogës.