Tjetërsim pronash në Lezhë: 10 urdhërarreste për zyrtarë e ish-drejtues të Kadastrës dhe IMT

29 Tetor, 2025 admin

Prokuroria ka lëshuar sot, 29 tetor, 10 urdhër-arreste në lidhje me një skemë të dyshuar tjetërsimi pronash në zonën e Lezhës. Operacioni u zhvillua me urdhër të Prokurorisë dhe me vendim të Gjykatës, pas një hetimi që kishte nisur prej disa muajsh.

Në pranga kanë rënë zyrtarë publikë dhe efektivë policie, të cilët dyshohet se kanë qenë të përfshirë në manipulime dokumentesh dhe favorizime për përvetësimin e tokave.

Hetimet janë ende në vijim, ndërsa emrat e personave të ndaluar nuk janë bërë ende publikë.

Skema dyshohet të ketë përfshirë ndryshime të paligjshme në regjistrat kadastralë dhe lëshim të dokumenteve të falsifikuara për përfitimin e pronave në zonat bregdetare të Lezhës.

Zbardhen emrat e 10 personave ndaj të cilëve prokuroria Lezhë ka lëshuar urdhërarreste për veprën “Tjetërsim pronash”. Bëhet fjalë për:

Pjetër Tuçi – “arrest në burg”

Gentian Malotaj, ish-drejtor i Kadastrës – “arrest në shtëpi”

Artur Shabaku, ish-shef i Legalizimeve – “arrest në shtëpi”

Artmir Maxhuni, zyrtar i Kadastrës – “arrest në shtëpi”

Luiza Bala – “arrest në shtëpi”

Hekuran Xhina – “arrest në shtëpi”

Flor Gjini, ish-drejtor i IKMT – “ndalimi i daljes jashtë shtetit”

Kol Malaj, ish-drejtor i IKMT – “ndalimi i daljes jashtë shtetit”

Martin Ndoka, polic zone në Shëngjin – “pezullimi i ushtrimit të një detyre publike” dhe “ndalimi i daljes jashtë shtetit”.

Masat janë ekzekutuar me urdhër të Prokurorisë dhe vendim të Gjykatës, ndërsa hetimet për këtë çështje janë nisur prej kohësh.

Fraksion.com

Mund të pëlqeni gjithashtu...