Kurti dështon të formojë qeverinë e re, përgjegjësia i kalon Presidentes Osmani
Këtë të dielë, 26 tetor, deputetët e legjislaturës së 9-të u thirrën seancë në Kuvendin e Kosovës, me shpresën për formimin e qeverisë së re pas 6 muajsh ngërçi politik.
Mirëpo, ka dështuar formimi i qeverisë “Kurti 3”, me 56 vota pro, 52 kundër dhe 4 abstenime.
Pra propozimi i mandatarit Albin Kurti për një mandat të ri katërvjecar nuk mori përkrahjen e nevojshme prej 61 votash në Kuvendin e Kosovës.
Kryetari i Kuvendit, Dimal Basha, deklaroi se tani përgjegjësia i kalon sërish Presidentes Osmani.
Në sallë ishin të pranishëm 110 deputetë, ndërsa mbajti fjalën e tij kreu i Lëvizjes VetëVendosja, Albin Kurti.
Kujtojmë se pavarësisht se zgjedhjet parlamentare janë mbajtur më 9 shkurt, Kosova ende nuk i ka formuar institucionet e reja dhe është me Qeveri në detyrë. Partitë politike nuk kanë arritur kompromis për një mori procesesh.
Kriza institucionale rrezikon t’i kushtojë Kosovës miliona euro, ndërsa faktori ndërkombëtar ka bërë thirrje të vazhdueshme që të krijohen institucionet për të ruajtur stabilitetin shtetëror.
Fraksion.com
