“U godit me thikë në qafë”, Kush është i riu shqiptar që u vra në parkingun e universitetit në Itali

23-vjeçari shqiptar, Hekuran Cumani u vra në parkingun e Fakultetit të Matematikës në Universitetin e Perugias. Mediat italiane shkruajnë se ai kishte mbërritur dje nga rajoni i Marche me një grup miqsh për të kaluar një mbrëmje në kryeqytetin e Umbrisë. 23-vjeçari jetonte në Fabriano.

Ata vizituan disa bare dhe më pas përfunduan në 110 Caffè, të vendosur përballë parkingut ku u vra.

Në një moment të caktuar gjatë mbrëmjes, ata u takuan me një grup njerëzish, me sa duket të huaj, por banorë të Perugia-s, me të cilët u grindën jashtë klubit ku edhe humbi jetën i riu më vonë. Arsyet e grindjes, në të cilën me sa duket u përfshinë disa persona, po hetohen nga policia.

Nuk kishte asgjë që mund të bëhej për viktimën, me origjinë shqiptare por shtetas italian.

Ai vdiq në parking pasi u godit me thikë në qafë me një plagë të vetme fatale. Policia ka intervistuar tashmë të gjithë miqtë e tij që ishin dëshmitarë të vendit të ngjarjes dhe kanë dhënë informacione të dobishme në identifikimin e vrasësit.

Fraksion.com