“U vidhni ilaçet fëmijëve dhe të sëmurëve me kancer”, Alizoti kërkon debat për programin e qeverisë: Shmangia është dobësi!

Tomorr Alizoti ka kërkuar rikthimin e seancës së parë në Kuvend, ku të zhvillohet debat në lidhje me programin qeverisës të mazhorancës.

Në fjalën e tij në foltoren e Kuvendit, Alizoti është shprehur se demokracia jeton nga debati ndërsa shtoi se nj gjë e tillë është e nevojshme edhe për vetë qeverinë që ka synim kryesor anëtarësimin në BE.

“Në dijeninë time është rasti i parë në 30 vite që nuk ka debat mbi një program. Arritja jonë më e madhe ka qenë debati. Ribëjeni debatin, është pika kryesore që është në interesin madhorë të vetë qeverisë që ka plan madhor integrimin në BE. Pse e shmangni. E kam lexuar programin dhe kam parë shumë pak fjalë për shpopullimin dhe aspak për Kosovën.

Demokracia jeton nga debati, riktheni seancën e parë.
Shmangia në sytë e mi është dobësi. Keni shumë mandate por në artikulimin politik jeni të dobët.
Një pyetje retorike. Ku qëndron e majta juaj? I majti europian qëndron me të dobëtin ju jeni me horrin, me të fortin e lagjes, me oligarkun.
Nuk pashë asnjë fjalë për Kosovën, kur ajo është dhimbje. Dhimbja e saj u kthye në diçka botërore, dhe Kuvendi i Shqipërisë sot e ka problem të miratojë një rezolutë për gjenocidin atje, ky është turp për publikun.

Ju i vidhni ilaçet fëmijëve dhe të sëmurëve me kancer. Ku qëndron e majta juaj?”, tha ai.

Fraksion.com