“Për ta groposur trupin më ndihmoi një shqiptar”, grekja varrosi nënën në oborrin e shtëpisë. Policia në kërkim të ‘Jannisit’

“Nëna ime vdiq nga shkaqe patologjike. Kur ajo ndërroi jetë, vendosa ta varrosja me ndihmën e Janisit, shqiptarit, sepse po përballesha me probleme financiare. Nuk kisha para dhe kisha nevojë për to.”. Kështu ka dëshmuar 62-vjeçarja nga Viotia, e cila akuzohet se e ka varrosur nënën pranë shtëpisë së saj, u përpoq të justifikonte të pajustifikuarën.

Hetimi mbi rrethanat në të cilat ndodhi incidenti i paprecedentë është ende duke vijuar, me oficerët e policisë që përpiqen të hedhin dritë mbi të gjitha cepat e errëta dhe t’u përgjigjen pyetjeve thelbësore. Njëra prej tyre është se kush është “Jannis ” për të cilin i referohet e akuzuara.
Ajo tha se burri ishte punëtor në fshat, por deri më tani askush që ka folur me policinë nuk e ka identifikuar atë. Hetuesit e konsiderojnë thelbësore gjetjen e tij pasi, sipas të akuzuarës, ai ishte personi që e ndihmoi të transportonte dhe varroste nënën e saj. Çështja është nëse ky burrë ekziston vërtet, pasi, siç u përmend më sipër, askush nuk e njeh ose nuk e ka parë.