“Kurrë nuk i dihet në luftë”, Starmer: Sulmet e Putinit ndaj Ukrainës jo veprimet e dikujt që dëshiron paqe
Kryeministri britanik, Keir Starmer, theksoi se sulmet e vazhdueshme të Rusisë ndaj Ukrainës tregojnë se Presidenti Vladimir Putin nuk është i interesuar për paqen.
“Në ditët e fundit, Putin ka treguar fytyrën e tij të vërtetë – duke kryer sulmin më të madh që nga fillimi i pushtimit, me edhe më shumë gjakderdhje, edhe më shumë të pafajshëm të vrarë dhe shkelje të paprecedentë të hapësirës ajrore të NATO-s”, tha Starmer, duke iu referuar dronëve rusë që hynë në Poloni javën e kaluar.
“Këto nuk janë veprimet e dikujt që dëshiron paqe”, shtoi ai.
Starmer tha se ai dhe Presidenti Donald Trump diskutuan se si të “rrisin presionin mbi Putinin që ai të bjerë dakord për një marrëveshje paqeje që do të zgjasë”.
Pavarësisht optimizmit se Putin do të binte dakord për një marrëveshje paqeje me Ukrainën pas samitit të tij në Trump me Alaskën muajin e kaluar, presidenti rus që atëherë i ka shtuar sulmet e tij ndaj Ukrainës.
Peesidenri Trump tha se Putin “më zhgënjeu”, ndërsa pranoi se lufta në Ukrainë është më e vështirë për t’u zgjidhur nga sa mendonte.
Presidenti i SHBA-së Donald Trump thotë se homologu i tij rus Vladimir Putin “më ka zhgënjyer”, ndërsa përpiqet të ndërmjetësojë një fund të konfliktit në Ukrainë, duke ofruar një vlerësim sinqerisht pesimist të përpjekjeve të tij deri më tani.
“Ai që mendova se do të ishte më i lehtë do të ishte për shkak të marrëdhënies sime me Presidentin (Vladmir) Putin”, tha ai pasi përmendi konfliktet që ka qenë më i suksesshëm në përfundimin e tyre.
“Ai më ka zhgënjyer. Ai më ka zhgënjyer vërtet”, vazhdoi Trump. “Do të ishin Rusia dhe Ukraina, por do të shohim se si do të dalë kjo. Por kjo doli të ishte – mendova se mund të ishte ndër më të lehtat e grupit.”
Një seri samitesh të profilit të lartë muajin e kaluar – me Putinin në Alaska dhe me Presidentin ukrainas Volodymyr Zelensky dhe një mori udhëheqësish evropianë në Shtëpinë e Bardhë – dukej se bënë pak për të çuar përpara negociatat për t’i dhënë fund luftës.
Trump tha se përfundimisht do të gjente sukses.
“Rusia dhe Ukraina do të përfundojnë, por kurrë nuk i dihet në luftë”, tha ai. “Lufta është një gjë tjetër. Ndodhin gjëra që janë shumë të kundërta me atë që mendonit. Mendonit se do të kishit një kohë të lehtë ose një kohë të vështirë dhe rezulton të jetë e kundërta.”
Fraksion.com
