Rama uron nxënësit në ditën e parë të shkollës

Kryeministri Edi Rama uroi sot nxënësit për nisjen e vitit të ri shkollor 2025-2026.

Rama u uroi suksese 345 mijë nxënësve që ulen sot në bankat e shkollave, dhe ata 26,500 nxënës të klasave të para, që nisin sot rrugën e bukur të dijes.

Në të gjitha shkollat e vendit nisi sot viti i ri mësimor. Ky vit shkollor, sipas të dhënave nga Ministria e Arsimit dhe Sportit vjen me risi dhe investime të rëndësishme në institucionet arsimore.

Sot në ditën e parë të vitit të ri shkollor 2025-2026 kanë hapur dyert 30 shkolla të reja nga veriu në jug.

MAS për këtë vit shkollor ka shpërndarë libra falas për 236 mijë nxënës në të gjithë vendin.

Fraksion.com