Detaje nga ekzekutimi i 34-vjeçarit në Shkodër: Autorët mbi motor dhe me skafandra

Të dhëna të reja mësohen lidhur me ekzekutimin e 34-vjeçarit Kristian Kola mbrëmjen e kaluar në Shkodër.

I riu ka qenë duke pirë kafe në ambientet e jashtme të një hoteli, kur papritmas është qëlluar me armë disa herë nga dy persona të paidentifikuar ende. Kamerat e sigurisë dhe rrëfimet e dëshmitarëve kanë treguar se autorët ishin mbi motor dhe me skafandra mbi kokë.

Ngjarja e rëndë ndodhi në një orar dhe në një zonë shumë të frekuentuar të qytetit verior, konkretisht rreth orës 22:30 përballë Kinema Millenium.

Deri më tani nuk ka asnjë pistë se kush mund të jenë dy autorët. “Janë marrë disa dëshmitarë, shoqëria, rrethi i të njohurve për të arritur në një pistë. Kola nuk kishte precedent të mëparshëm penal. Ai lëvizte i lirshëm dhe nuk dukej se kishte marrë kërcënime apo paralajmërime. Ky atentat e ka zënë dhe atë në befasi, kur ka marrë disa plumba në kraharor çka ka rezultuar fatale për të riun.”, tha Kalaja. Kështu mbeten akoma mister shkaqet dhe motivet.

Fraksion.com