Ndarja nga jeta e Dhimitër Anagnostit, Këshilli i Ministrave shpall 2 shtatorin ditë zie për regjisorin e shquar

Këshilli i Ministrave ka vendosur të shpallë ditë zie kombëtare ditën e sotme, 2 shtator 2025, në nderim të të ndjerit Dhimitër Anagnosti, personalitet i shquar i kinematografisë shqiptare, mjeshtër i ekranit dhe i artit skenik, i cili la një trashëgimi të çmuar kulturore për brezat.

Anagnosti u nda nga jeta ditën e djeshme në moshën 89-vjeçare, ndërsa ditën e sotme janë planifikuar homazhet për të në Teatrin e Operas dhe Baletit në Tiranë.

Njoftimi:

Agjencia për Media dhe Informim ju bën me dije se Këshilli i Ministrave ka vendosur të shpallë ditë zie kombëtare ditën e martë, datë 2 shtator 2025, në nderim të të ndjerit Dhimitër Anagnosti, personalitet i shquar i kinematografisë shqiptare, mjeshtër i ekranit dhe i artit skenik, i cili la një trashëgimi të çmuar kulturore për brezat.

Në respekt të vendimit, në të gjithë vendin flamujt do të ulen në gjysmështizë, ndërsa institucionet shtetërore do të zhvillojnë homazhe për nder të figurës së tij.

Fraksion.com