Kreu i SPAK, Altin Dumani vizitë në SHBA, do të pritet në takim nga zyrtari i lartë i Departamentit të Shtetit

2 Shtator, 2025 admin

Kreu i SPAK, Altin Dumani po zhvillon një vizitë në Shtetet e Bashkuara të Amerikës. Mësohet se Dumani do të pritet në takim në Departamentin Amerikan të Shtetit nga zyrtari i lartë Brendan P. Hanrahan për Çështjet Evropian dhe Euro-Aziatike.

Sipas njoftimit të DASH, takimi i Altin Dumanit do të jetë në orën 16:30 me orën e Uashington DC (22:30 me orën e Tiranës).

Departamenti Amerikan i Shtetit nuk ka dhënë detaje lidhur me vizitën e Dumanit si dhe nuk dihet as tema e diskutimit.

Gjithashtu, sipas njoftimit zyrtar të DASH do të zhvillohet pa praninë e mediave.

Kush është Brendan Hanrahan?

Brendan Hanrahan është zyrtari i lartë i Byrosë për Çështjet Evropiane dhe Euroaziatike (EUR). Para se t’i bashkohej Departamentit të Shtetit, z. Hanrahan ka qenë investitor në kompaninë Bain Capital, në ekipin e kapitalit privat për Amerikën e Veriut, ku ka udhëhequr marrëveshje dhe ka bashkëpunuar me kompani në sektorët e shërbimeve për konsumatorët dhe bizneset.

Më herët, ai ka punuar si këshilltar për politika pranë Komitetit të Senatit për Biznesin e Vogël dhe Sipërmarrjen, në kohën kur ky komitet drejtohej nga senatori Marco Rubio. Karrierën e tij e ka nisur në McKinsey & Company, ku ka mbështetur klientë nga sektori publik dhe ai privat.

Z. Hanrahan është diplomuar në Harvard College (në nivelin Bachelor – A.B.) dhe mban një diplomë MBA nga Stanford Graduate School of Business.

Fraksion.com

Mund të pëlqeni gjithashtu...