Zelensky i dhuroi Trumpit një shkop golfi nga një ushtar i plagosur ukrainas

Kopi më parë ishte në pronësi të Kostiantyn Kartavtsev, një rreshter i ri që humbi këmbën në muajt e parë të pushtimit të plotë të Ukrainës nga Rusia, sipas zyrës presidenciale të Ukrainës. Golfi u bë pjesë e rehabilitimit të rreshterit të ri, i tha Zelensky Trumpit ndërsa i dhuronte dhuratën.

“Kreu i Shtetit (Zelensky) tregoi gjithashtu një video në të cilën Kostiantyn Kartavtsev i bën thirrje Presidentit të SHBA-së që të ndihmojë Ukrainën të përfundojë luftën me një paqe të drejtë dhe të qëndrueshme,” tha zyra presidenciale e Ukrainës në një deklaratë. “Donald Trump e pranoi dhuratën, regjistroi një video duke falënderuar luftëtarin ukrainas për shkopin e golfit dhe i dhuroi Presidentit të Ukrainës çelësat simbolikë të Shtëpisë së Bardhë.”

Shkëmbimi i dhuratave përfaqëson një ndryshim tjetër toni nga vizita e mëparshme e Zelensky-t në Shtëpinë e Bardhë, kur Trump dhe Zëvendëspresidenti JD Vance e kritikuan ashpër presidentin ukrainas, duke e quajtur atë të pa respekt dhe mosmirënjohës para kamerave të botës.

Të hënën, Trump dhe Zelensky bënë shaka për ndryshimin e veshjeve të tij – një ndryshim i dukshëm nga bashkëveprimi i tyre në shkurt pasi një gazetar i krahut të djathtë e kritikoi Zelensky-n për mos veshjen e kostumit. Zelensky, i veshur me një xhaketë të zezë të ngushtë, këmishë të zezë dhe pantallona të zeza, i tha me shaka të njëjtit gazetar: “Ti je me të njëjtin kostum. Unë ndërrova, ti jo.”