Kush do të marrë pjesë në takimin vendimtar Trump-Zelensky nesër në Uashington?

Gjatë orës së kaluar, një mori emrash janë konfirmuar për të marrë pjesë në bisedimet midis Presidentit të Ukrainës, Volodymyr Zelensky, dhe Presidentit të SHBA-së, Donald Trump, në Uashington DC, nesër.

Kancelari i Gjermanisë, Friedrich Merz: Zyra e Merz tha se ai do të diskutojë statusin e përpjekjeve për paqe në Ukrainë me pjesëmarrësit e tjerë dhe do të nxjerrë në pah interesin e Gjermanisë për një marrëveshje të shpejtë paqeje.

Presidenti francez, Emmanuel Macron: Pallati Elysee tha se Macron do të “vazhdojë punën e koordinimit midis evropianëve dhe Shteteve të Bashkuara me qëllim arritjen e një paqeje të drejtë dhe të qëndrueshme që ruan interesat jetësore të Ukrainës dhe sigurinë e Evropës”.

Kryeministrja italiane, Giorgia Meloni: Meloni do të udhëtojë gjithashtu për në Uashington me homologët e saj evropianë për bisedimet.

Presidentja e Komisionit Evropian, Ursula von der Leyen: Von der Leyen konfirmoi në një postim në X se do të marrë pjesë në bisedime me kërkesë të Zelensky-t.

Presidenti i Finlandës, Alexander Stubb: Zyra e Stubb tha se ai do të “marrë pjesë në një takim për paqen në Ukrainë”, gjithashtu në një postim në X.

Sekretari i Përgjithshëm i NATO-s, Mark Rutte: Shefi i NATO-s do t’i bashkohet Zelensky-t dhe udhëheqësve evropianë për bisedimet me Trump.

Fraksion.com