Trump i dorëzon letrën Putinit nga Melania

Presidenti Donald Trump i dorëzoi presidentit rus Vladimir Putinit një letër nga gruaja e tij, Melania Trump, në samitin në Alaska, e cila ngriti çështjen e gjendjes së vështirë të fëmijëve në Ukrainë dhe Rusi, thanë zyrtarët e Shtëpisë së Bardhë për agjencinë e lajmeve Reuters.

Zonja e parë, e cila ka lindur në Slloveni, nuk ishte në udhëtim, por zyrtarët thanë se letra e saj përmendte rrëmbimet e fëmijëve gjatë luftës.

Qeveria në Kiev vlerëson se të paktën 19,500 fëmijë ukrainas janë deportuar, jashtë vendit dhe janë zhvendosur me forcë nga shtëpitë e tyre në Rusi dhe territoret e pushtuara nga Rusia që nga fillimi i pushtimit në shkallë të plotë në shkurt 2022.

Çështja është jashtëzakonisht e ndjeshme këtu në Ukrainë, ku shumë besojnë se nuk duhet të bëhet asnjë marrëveshje paqeje pa një marrëveshje për kthimin e të gjithë atyre që janë rrëmbyer.

Në vitin 2023, Gjykata Ndërkombëtare Penale lëshoi një urdhër arresti për Putinin dhe komisioneren e tij për të drejtat e fëmijëve, Maria Lvova-Belova, për deportimin e dyshuar të paligjshëm të fëmijëve.

Fraksion.com