Burimi: Izraeli dhe Hamasi ende nuk kanë rënë dakord për pozicionet e trupave izraelite në kufirin e Gazës

Izraeli dhe Hamasi duhet të bien dakord saktësisht se sa larg në Gazë do të lejohen forcat izraelite të veprojnë nëse arrihet një marrëveshje armëpushimi midis dy palëve, tha një burim izraelit për CNN-në.

Izraeli po kërkon që të lejohet brenda një perimetri prej 1,200 metrash (0.75 milje) nga kufiri i tij përgjatë Rripit të Gazës, ndërsa Hamasi po këmbëngul që ky perimetër duhet të jetë 800 metra (0.5 milje) dhe jo më shumë, sipas burimit.

Mosmarrëveshja shihet si e zgjidhshme, tha burimi të mërkurën, duke shtuar se ka të ngjarë të arrihet një kompromis.

Në një fushë tjetër të negociatave për paqe, burimi i tha se Izraeli ka propozuar lirimin e 125 të burgosurve palestinezë si pjesë e një marrëveshjeje. Asnjë shifër tjetër, përfshirë ndonjë numër alternativ të propozuar nga Hamasi, nuk dihet, shtoi burimi.