U gjet i pajetë pranë liqenit të Shkopetit, dyshohet se u rrëmbye dhe u vra, identifikohet 23-vjeçari
23-vjeçari që u gjet i pajetë pranë liqenit të Shkopetit është identifikuar si Renis Dobra.
I riu u denoncua i zhdukur nga babai i tij dhe pas disa orësh kërkime, shërbimet e Policisë kanë gjetur trupin e pajetë të 23-vjeçarit, pranë liqenit të Shkopetit, ndërsa automjeti i tij dyshohet se ka rënë në liqen.
Nuk dihen ende rrethanat e ngjarjes së rëndë të ndodhur në Mat.
“Mbrëmjen e djeshme, është paraqitur në Komisariatin e Policisë Mat, shtetasi R. D., i cili ka kallëzuar se djali i tij, shtetasi R. D., 23 vjeç, nuk ishte kthyer në banesë.
Shërbimet e Policisë kanë nisur menjëherë kërkimet për gjetjen e 23-vjeçarit. Pas disa orësh kërkime, shërbimet e Policisë kanë gjetur trupin e pajetë të 23-vjeçarit, pranë liqenit të Shkopetit, ndërsa automjeti i tij dyshohet se ka rënë në liqen.
Në lidhje me këtë rast është ngritur një grup i posaçëm hetimor dhe në drejtimin e Prokurorisë vijojnë hetimet për zbardhjen e rrethanave dhe dokumentimin ligjor të rastit”, sipas policisë.
Fraksion.com
