“Është nshumë e dhimbshme për t’u përjetuar”, Melinda Gates zbulon detaje tronditëse pse u divorcua nga Bill Gates
Melinda Gates ka folur hapur për udhëtimin emocional që shoqëroi përfundimin e martesës së saj 27-vjeçare me një prej miliarderëve më të njohur në botë, Bill Gates.
60-vjeçarja ka rrëfyer se, pavarësisht vëmendjes së madhe publike dhe sfidave të shumta, vendimi për t’u ndarë erdhi nga një këndvështrim thellësisht personal.
Këtë rrëfim Melinda e bëri gjatë një interviste të fundit në podkastin “How to Fail with Elizabeth Day”. Gates foli me sinqeritet për momentin kur e kuptoi se martesa e saj me bashkëthemeluesin e Microsoft-it, Bill Gates, kishte marrë fund.
Çifti kishte qenë së bashku për gati tri dekada, duke ndërtuar jo vetëm një familje, por edhe një nga fondacionet filantropike më të fuqishme në botë.
“Kur ai vinte në kohë të ndryshme, për shkak të gjërave që kishin ndodhur jashtë martesës, për të cilat do të mësoja më vonë, vazhdoja ta shtypja veten”, tregoi Melinda Gates.
60-vjeçarja shpjegoi se ndiente një presion të madh për ta mbajtur marrëdhënien gjallë, jo vetëm për veten, por edhe për tre fëmijët e tyre dhe për angazhimin e përbashkët në “Fondacionin Bill & Melinda Gates”.
Gates pranoi se për vite me radhë kishte injoruar instinktet e saj, duke i shtypur ato nën peshën e mëmësisë, përgjegjësisë globale dhe trashëgimisë që kishin ndërtuar së bashku.
“Kishim një fondacion të madh dhe unë besoja në atë punë”, tha ajo duke shtuar: “Unë ende besoj në punën e fondacionit”.
Por përfundimisht, ajo shpjegoi se zëri i saj i brendshëm u bë shumë i lartë për ta heshtur. Ajo theksoi se procesi i marrjes së këtij vendimi nuk ishte i shpejtë ose i lehtë.
“E mora martesën, dhe ende e marr, shumë, shumë seriozisht dhe nuk ishim vetëm dy prej nesh të përfshirë, ishim pesë prej nesh”, tha ajo, duke iu referuar fëmijëve të tyre.
Fraksion.com
