Izraeli thotë se ka goditur 900 objektiva në Iran që nga fillimi i konfliktit, duke vrarë 11 shkencëtarë

Ushtria e Izraelit thotë se ka goditur më shumë se 900 objektiva brenda Iranit gjatë Operacionit të saj të paprecedentë “Luani në Ngritje”.

Forcat e Mbrojtjes së Izraelit (IDF) pretendojnë se operacioni vrau 11 shkencëtarë bërthamorë iranianë dhe 30 zyrtarë të lartë të sigurisë, përfshirë tre komandantë të lartë.

CNN ka raportuar më parë për vdekjen e oficerit më të lartë ushtarak të Iranit, kreut të Korpusit të Gardës Revolucionare Islamike dhe forcës së tij ajrore.

Operacioni goditi më shumë se 900 objektiva në total, duke shkatërruar 200 lëshues raketash – të cilët IDF pretendonte se përbënin gjysmën e të gjithë lëshuesve të Iranit. Sulmet gjithashtu shkatërruan avionë dhe vende prodhimi raketash, “duke parandaluar kështu prodhimin e mijëra raketave shtesë”, tha deklarata e IDF.

Më herët të enjten, ministri i mbrojtjes i Izraelit tha në një intervistë me Channel 13 se nuk kishte pasur asnjë mundësi për të vrarë udhëheqësin suprem iranian, Ajatollah Ali Khamenei, gjatë Operacionit “Rising Lion” – por tha se Izraeli do ta kishte “vrarë atë” nëse do të kishte dalë një e tillë.

Fraksion.com