“Rusia po shqyrton mundësinë strategjike nga konflikti”
Konflikti në Lindjen e Mesme dominon gazetat ruse të mëngjesit të sotëm.
“Sado cinike që kjo mund të tingëllojë”, sugjeron Moskovsky Komsomolets, “në një nivel taktik ka përparësi [për Rusinë] nga konflikti midis Iranit dhe Izraelit”.
Këto “përparësi” të supozuara përfshijnë çmime më të larta globale të naftës dhe më pak vëmendje ndërkombëtare mbi luftën e Rusisë në Ukrainë.
“Kievi është harruar”, pohon tabloidi.
“Çdo përshkallëzim në Lindjen e Mesme i shpërqendron kundërshtarët e Moskës nga Ukraina dhe ndryshon përparësitë për ndihmën ushtarake perëndimore”, shkruan e përditshmja e biznesit Kommersant.
“Rusia teorikisht mund të luajë rolin e një arbitri të paanshëm, duke ndihmuar nëse jo në zgjidhjen e krizës, të paktën në çtensionimin e saj. Në këtë mënyrë, Moska do të forconte ndikimin e saj në rajon.”
Por Kommersant ka edhe një paralajmërim.
“Përshkallëzimi gjithashtu mbart rreziqe serioze dhe kosto të mundshme për Moskën. Fakti mbetet se Rusia nuk ishte në gjendje të parandalonte sulmin masiv të Izraelit ndaj një vendi me të cilin pesë muaj më parë Rusia nënshkroi një marrëveshje gjithëpërfshirëse partneriteti strategjik.”
Fraksion.com
