Sali Berisha paraqitet në SPAK! Ja çfarë tha para mediave ish-kryeministri

Kryetari i Partisë Demokratike, Sali Berisha, u paraqit këtë të hënë, më 10 qershor, në ambientet e Prokurorisë së Posaçme Kundër Korrupsionit dhe Krimit të Organizuar në zbatim të një urdhri të lëshuar nga kjo prokurori, teksa pranë SPAK kishte edhe mbështetës të tij.

Pas daljes nga ambientet e SPAK, Berisha hodhi akuza të rënda në drejtim të qeverisë. “Nuk i njoh dosjet konkrete, por natyrisht si institucioni i bashkëpunimit me krimin, ka me qindra mijëra qytetarë, të cilët këtu kanë zemërimin e madh, kanë problemet e mëdha. Atëherë është Edi Rama vetë me Gjipenë. Bëhet fjalë për Gjipenë. Ua mori Gjipenë. Dora e mafies, dora e qeverisë është kudo”, tha Berisha

Edhe sipas avokatit të Sali Berishës, Genc Gjokutaj, kjo paraqitje ka të bëjë me një kallëzim të bërë nga gjyqtarja Irena Gjoka në adresë të Berishës. Kryedemokrati e ka akuzuar prej kohësh gjyqtaren, ndërsa së fundmi ka deklaruar se ajo është e dënuar për falsifikim nga Kolegji Penal i Janinës. Po ashtu, në tetor të vitit 2023, Berisha ka bërë një kallëzim penal ndaj saj, pasi GJKKO vendosi masën e detyrimit për t’u paraqitur dhe ndalimin e daljes jashtë shtetit për të.