Papa Leoni XIV – Putinit: Dialogu, rruga për zgjidhjen e konfliktit
Presidenti rus Vladimir Putin zhvilloi të mërkurën një bisedë telefonike me Papa Leoni XIV.
Sipas njoftimit zyrtar të Kremlinit, Putin e përgëzoi Papën për zgjedhjen dhe i uroi suksese në detyrën e tij, duke e cilësuar “një mision fisnik”.
Gjatë bisedës, të dy liderët diskutuan për mundësitë e bashkëpunimit në fushat kulturore, humanitare, si dhe për mbrojtjen e komuniteteve dhe faltoreve të krishtera në zonat e konfliktit.
Në qendër të diskutimit ishte lufta në Ukrainë ndërsa Putin ritheksoi interesin e tij për arritjen e paqes përmes mjeteve politike dhe diplomatike, duke theksuar rëndësinë e adresimit të “shkaqeve rrënjësore të konfliktit”.
Nga ana tjetër, sipas Vatikanit, Papa i kërkoi Rusisë të ndërmarrë hapa konkrete për të mbështetur paqen në konfliktin me Ukrainën.
Ai theksoi rëndësinë e dialogut si rrugë për zgjidhjen e konfliktit.
Fraksion.com
