Janë studentë apo spiunë? Të rinjtë kinezë nën sitën e Donald Trump, mijëra në pasiguri
Një valë refuzimesh vizash dhe deklarata të ashpra nga autoritetet amerikane kanë futur në pasiguri mijëra studentë kinezë që shpresonin të ndjekin studimet e larta në Shtetet e Bashkuara.
Xiao Chen, një 22-vjeçare kineze e pranuar për komunikim në Universitetin e Michiganit, doli e tronditur nga Konsullata Amerikane në Shangai pasi kërkesa e saj për vizë u refuzua pa asnjë shpjegim.
Pekini e ka dënuar këtë qasje si një “akt të qartë diskriminimi politik”, ndërsa Ministria e Jashtme Kineze ka paraqitur një protestë zyrtare ndaj SHBA-së.
“Kjo është një përpjekje për të ndalur shkëmbimet akademike dhe për të kultivuar klimën e frikës dhe dyshimit,” tha zëdhënësi i saj.
Studentët që janë kthyer në Kinë gjithashtu përballen me vështirësi. Diplomat e huaja, dikur të çmuara në tregun e punës, tani shpesh shihen me dyshim nga punëdhënësit kinezë.
Fraksion.com
