Frika se impiantet e ujit në Gaza mund të mbyllen plotësisht

Zyra humanitare e OKB-së thotë se partnerët e saj po paralajmërojnë se, pa furnizime të menjëhershme me karburant, impiantet e ujit dhe kanalizimeve në Gaza mund të mbyllen plotësisht deri në fund të javës.

Izraeli preu linjat e energjisë elektrike në impiantet kryesore të desalinizimit të Gazës në mars, duke thënë se donte të bënte presion mbi Hamasin për të liruar pengjet e mbetura. Që atëherë, kapaciteti i impiantit ka rënë ndjeshëm.

Ndihma ka filluar të hyjë në Gaza, duke përfshirë pak ujë të pijshëm, por karburanti nuk është përfshirë deri më tani. Izraeli thotë se nuk ka mungesë karburanti në Gaza.

Prindërit në Gaza i kanë thënë BBC-së se pas 19 muajsh lufte, fëmijët e tyre tani janë mësuar të pinë ujë të kripur. Mjekët thonë se kanë parë një rritje të problemeve serioze me veshkat për shkak të kësaj.

«E dimë që uji nuk pihet dhe prapë e pimë», thotë Raed al-Zaharneh, baba i katër fëmijëve në Khan Younis. «Kemi pasur dhimbje stomaku dhe diarre, por i durojmë. Çfarë bëjmë? Duhet të pimë. Nuk ka alternativë tjetër».

Fraksion.com