urrës, 54-vjeçarja humb jetën pas ndërhyrjes në spitalin privat! Familjarët akuzojnë mjekët për neglizhencë
Një ngjarje e rëndë është regjistruar në Durrës, ku një grua 54-vjeçare ka humbur jetën pas një ndërhyrjeje kirurgjikale në një klinikë private, pranë spitalit të qytetit.
Viktima është identifikuar si Valbona Xha, banuese në Durrës.
Sipas policisë vendore, ka nisur një procedim penal në gjendje të lirë ndaj mjekut 59-vjeçar I. Sh., me akuzën e “neglizhencës në trajtimin mjekësor”.
Mjeku kirurg po hetohet lidhur me rrethanat që çuan në humbjen e jetës së pacientes pak orë pas operacionit. Sipas legjislacionit penal shqiptar, në rastet kur neglizhenca mjekësore shkakton vdekjen e një personi, parashikohet dënim me burgim deri në 2 vjet.
Denoncimi për rastin është bërë nga familjarët e viktimës, konkretisht bashkëshorti i saj, ndërsa po vijojnë hetimet për të sqaruar plotësisht rrethanat e vdekjes.
Materialet hetimore janë referuar në Prokurorinë e Durrësit për hetimin e mëtejshëm të rastit.
Fraksion.com
