PD ankohet përmes kompanisë së lobimit në SHBA për zgjedhjet: Duam hetim ndërkombëtar dhe qeveri teknike

“Zgjedhjet parlamentare të 11 majit 2025 në Shqipëri u njollosën nga shkelje sistematike që cënuan shumë seriozisht parimet ndërkombëtare të procesit zgjedhor. Pavarësisht procedurave formale zgjedhore, zgjedhjet dështuan të ofrojnë një mjedis të drejtë dhe të lirë për votuesit që të bëjnë zgjedhje të informuara. Partia Socialiste (PS) në pushtet, e udhëhequr nga Kryeministri Edi Rama, përmes manipulimeve siguroi një shumicë të konsiderueshme. Legjitimiteti i këtyre zgjedhjeve është krejtësisht përtej çdo standardi të pranueshëm për shkak të dhunës së përhapur dhe të rëndë, në shkelje të Kodit Zgjedhor dhe praktikave e standardeve ndërkombëtare për zgjedhje të lira dhe të ndershme.
Në një përpjekje të dëshpëruar për të siguruar një mandat të katërt radhazi, Kryeministri Edi Rama përdori sistemin e drejtësisë si armë kundër opozitës. Në muajt e fundit para zgjedhjeve, represioni politik u përshkallëzua, i shënuar nga gjyqe të motivuara politikisht, arrestime dhe burgosje të liderëve të opozitës si Prof. Dr. Sali Berisha, Ilir Meta, Fatmir Mediu, Ervin Salianji dhe Fredi Beleri, pa asnjë akuzë penale të mbështetur me prova. Deputetë dhe kryebashkiakë të opozitës u burgosën ose u intimiduan në shkelje të hapur të të drejtave themelore politike dhe normave demokratike.
Para zgjedhjeve, EPP, CDI dhe IDU përmes katër rezolutave shprehën shqetësimin për planet e Edi Ramës për të manipuluar zgjedhjet. Këto shqetësime u provuan të vërteta më 11 maj.

Procesi zgjedhor përbënte gjithashtu një shkelje sistematike të Kodit Zgjedhor të Shqipërisë dhe Kritereve të Kopenhagës. Këto veprime përbëjnë një sulm të paprecedentë ndaj demokracisë, ku kufijtë mes shtetit, partisë dhe krimit të organizuar janë fshirë plotësisht. Zgjedhjet e 11 majit përfaqësojnë kulmin e një procesi të gjatë të kapjes së shtetit nga grupe dhe organizata të caktuara.

Në 10 nga 12 qarqet zgjedhore të Shqipërisë dhe në 21 nga 61 bashki, zgjedhjet u morën nën kontroll nga bandat më të rrezikshme kriminale të vendit — grupe që janë të njohura jo vetëm në Shqipëri, por në të gjithë Ballkanin dhe Evropën.

Këto rrjete kriminale vepruan nën koordinimin e drejtpërdrejtë nga Zyra e Kryeministrit, me Ergys Agasin, një nga njerëzit më të afërt të Ramës, që vepronte si koordinatori kombëtar i këtyre strukturave kriminale.

Misioni i tyre: të siguronin zgjedhjen e të paktën 30 kandidatëve të Partisë Socialiste (PS)
Kjo u arrit përmes një strategjie të bazuar në frikësim, dhunë, kërcënime për jetën dhe blerje votash. Grupet kriminale të mëposhtme luajtën një rol të drejtpërdrejtë në procesin zgjedhor:

Elbasan: Grupi kriminal i trafikut të drogës dhe vrasjeve “Çela”
Durrës: Rrjeti kriminal i Ervis Poja
Lezhë: Klani i Vincent Tuku
Shkodër: Grupet e Safet dhe Behar Bajri
Tiranë, Vorë: Grupi kriminal “Xhabafti” i dënuar në Itali për vrasje dhe trafik droge. Ata u pajisën edhe me akreditime të rreme dhe hynë në çdo qendër votimi, duke kontrolluar fizikisht procesin e votimit.
Zgjedhjet e 11 majit përfaqësojnë kulmin e një procesi të gjatë të kapjes së shtetit nga forcat kriminale dhe autokratike, me pasoja të thella për të ardhmen e Shqipërisë në Evropë dhe për stabilitetin e rajonit.

[11:35, 5/21/2025] Adi Shkembi: TË GJETURAT E TJERA KRYESORE

1. Blerja Publike e Votës përmes Fondeve Shtetërore

Bonuse për Pensionistët: Gjatë fushatës zgjedhore, qeveria shpërndau bonuse prej 100 euro për rreth 760,000 pensionistë, me një kosto totale mbi 70 milionë euro nga buxheti i shtetit – një abuzim i hapur me fondet publike për qëllime elektorale (dhurata për vota).
Licenca për kanabis në këmbim të favoreve zgjedhore: Me një vendim të Këshillit të Ministrave, qeveria Rama dha 138 licenca për kultivimin e kanabisit në dhjetëra mijëra hektarë në të gjithë vendin gjatë fushatës – duke shkëmbyer pasurimin kriminal për besnikëri politike. Kanabis për vota.
Punësime masive për vota: Rreth 10,000 individë u punësuan në administratën qendrore, lokale dhe në sektorin publik gjatë katër muajve para zgjedhjeve – një shkëmbim i qartë për mbështetje politike.
Amnisti para-zgjedhore me vlerë 200 milionë Euro: Vetëm 48 orë para ditës së zgjedhjeve, Rama shpalli një amnisti të plotë për të gjitha gjobat dhe kamatëvonesat nga viti 2015 deri në 2024, me një vlerë totale mbi 200 milionë euro – një abuzim i fuqisë ekzekutive për përfitime elektorale.
Financimi i ngjarjeve propagandistike: Qeveria pagoi 7 milionë euro një kompanie private për të organizuar garën çiklistike “Giro D’Italia” në Shqipëri, e planifikuar për 9-11 maj – pikërisht në datat e zgjedhjeve – një përpjekje e qartë për spektakël elektoral dhe shpërqendrim. Ky aktivitet bllokoi qytetet kryesore për tre ditë gjatë fushatës, duke penguar opozitën dhe duke shkelur lirinë e lëvizjes së qytetarëve.
Keqpërdorim masiv i prokurimeve publike dhe inaugurimeve: Gjatë fushatës, qeveria shpërndau gjysmë miliardi euro në kontrata prokurimi, PPP dhe koncesione – shumë prej tyre të paligjshme apo jo-transparente – me synimin e qartë për të ndikuar sjelljen elektorale të votuesve.

2. Rikthimi i sistemit të patronazhimit
Sistemi i “patronazhistëve” i Partisë Socialiste, që rikujton periudhën e komunizmit, u rivendos dhe u zgjerua në çdo qendër votimi, ku qytetarët u monitoruan, u kontrolluan dhe u shtynë të vepronin sipas përkatësisë politike. Zyrtarë të nivelit të lartë dhe nëpunës civilë ishin pjesë e këtij skemi, duke keqpërdorur të dhënat personale dhe duke ushtruar presion që çdo votues të siguronte votën e familjes së tij në këmbim të shërbimeve publike.
Çdo nëpunës publik kishte detyrimin të siguronte 20 vota në Shqipëri dhe diasporë dhe të dorëzonte numrat e kontakteve të këtyre votuesve si dhe foton e votës ditën e zgjedhjeve.

3. Mobilizimi i ish-shërbimit sekret komunist
Për herë të parë, dy zëvendësshefa të Shërbimit Informativ të Shtetit mobilizuan agjentë të dalë në pension nga ish-Sigurimi (policia sekrete e kohës së komunizmit), duke përdorur frikë dhe shantazh, në një mënyrë që kujton të kaluarën totalitare të Shqipërisë për të ndikuar rezultatin e zgjedhjeve.
[11:37, 5/21/2025] Adi Shkembi: Censurë: Vendimi i Ramës për të ndaluar TikTok-un pak para zgjedhjeve kufizoi rrugët alternative të shprehjes politike dhe shpërndarjes së informacionit.

Pengimi i Aktivitetit të Opozitës

Mungesa e Zbatimit të Ligjit: Megjithë raportimet e shumta për shkelje zgjedhore, agjencitë e zbatimit të ligjit nuk ndërmorën asnjë veprim domethënës, duke ngritur shqetësime për bashkëpunim të mundshëm institucional ose neglizhencë.

6. Manipulimi Ligjor i Rezultateve Zgjedhore

Përfaqësim i shtrembëruar: Megjithëse Partia Socialiste siguroi rreth 52% të votës popullore, parashikohet që të ketë rreth 60% të vendeve në Parlament – gjë që tregon për manipulim të mundshëm të sistemit zgjedhor ose ndarje të padrejtë të zonave zgjedhore.

KËRKESAT:

Hetim ndërkombëtar për zgjedhjet
Kërkohet kryerja e një hetimi ndërkombëtar për të shqyrtuar parregullsitë dhe shkeljet e raportuara gjatë procesit zgjedhor.

Formimi i një qeverie teknike (kujdestare)
Kërkohet krijimi i një qeverie teknike e cila të fokusohet në votimin e agjendës së integrimit në Bashkimin Evropian dhe organizimin e zgjedhjeve të lira dhe të ndershme.

Liria e Medias:
Promovimi i pluralizmit mediatik dhe mbrojtja e lirisë së shprehjes për të garantuar që qytetarët të kenë akses në informacion të larmishëm dhe të paanshëm.

Mbikëqyrje Ndërkombëtare:
Inkurajohet angazhimi i vazhdueshëm i organizatave ndërkombëtare për të monitoruar dhe mbështetur proceset demokratike në Shqipëri.”

Fraksion.com